أبدأ بسم الله منعم الأحوال

أكرم كرام الأرض منها ذراها

له وجه مبهج بالرضا هل بإجلال

له في البهاء و النور طلعة جلاها

مالك قلوب الناس مرسا و منزال

ملك شعور الخلق و أغلى غلاها

من شانه الدنيا رخا عمها المال

من الإله وزرعها أنعم بماها

لا هنت ياللي ميزتك بيض الأفعال

لولاك كان أهل الشيم يا عياها

كفك و مكيالك على الأرض مكيال

كافل بشر من فضل خيرك رعاها

همال جودك نشر به عذب سلسال

هناه شافي و العطاشا سقاها

إنت لحال وكل أبوهم لهم حال

أفضال مجدك طال عالي لواها

لو في العرب مثلك على طبع رجال

لف الرخا السكان و أمطر ثراها

عادات فيها طبع و أفعال الأبطال

عاشت على نهج الزمن ما حناها

رجال ساس الملك عنوان و أفعال

رافد ملايين البشر من غناها

بالجد تتفاخر و بالأب و الخال

بيض الصنايع كل شارب حماها

ينكر عليك العز شيطان دجال

يضحك و في أنفاسه كنينه كناها

هوايتي الأسفار طالع و رحال

هل مثلكم دولة تجاوز عطاها

انتم فقط بالجود مضرب للأمثال

إنتو ملوك البيت منبع هداها

لا مثل سلطان العرب عده محال

ليث الحرايب يوم ترعد رحاها

سور البلاد اللي على أطرافها طال

سيف السيوف اللي تمنا عداها

علی خزاين غيره أقفال و أغلال

عسره من الباري تجلجل بلاها

و أموال أبو خالد توزع بالأهوال

ولبت نفوس بالولى أسعد دعاها

دام الله أمجاده عزيزه بالأفضال

دوى القلوب اللي يعجز دواها

يارب ترعى من رعى الطيب بأجزال

يا سامع الدعوات مجري هواها

هذا وصلى الله وقد فاز من قال

هادي البشر يا سعد من زار طه