وين اللي سهرت الليل من شانه

وين اللي ترك لي الليل و أحزانه

وين اللي سقاني المُر بهجرانه

و أنا مقدر على ذا البعد و الهجران

وين اللي سقيته الحُب من قلبي

و وليتَه زمام الأمر في حُبِّي

و ما ظنيت كذا في يوم يلعب بي

يخلّيني و يشعلها علي نيران

أنا بنساه ما دام إنَّه تناساني

خلف وعده على نفسه هو الجاني

وعدني ليل سهرني ولا جاني

وبان الصُّبح في عيوني و أنا سهران

وأنا في يوم أمنتَه على روحي

أنا غلطان حسبته بلسم جروحي

خلاص يا نفس لاتوني ولا تنوحي

دام إنه طواكي بصفحة النسيان