الذهب يفرق
لا تقرب صوب لي فعله دني
داره على رملة و بطحة يبتني
من يشيل الثقل ظهره ينحني
الطمع خلاه ما يعرف قياس
دوّر الغالي إذا قصدك تحب
الذهب يفرق و ما هو كالنحاس
حب من يعرف مباديها الأصول
يسمعك دايم و يفهم ما تقول
إن دعيته ضيقة الخاطر تزول
في الهوى يعطيك قلبه والحواس
دوّر الغالي إذا قصدك تحب
الذهب يفرق و ما هو كالنحاس
شل نفسك يا فؤادي إرتجع
دام مالك قصد مرَّة بالطمع
استمع قولي و نصحي إستمع
الحلو زين إن تبغى لباس
دوّر الغالي إذا قصدك تحب
الذهب يفرق و ما هو كالنحاس
لي يعيب ما يخلي العيوب
دايم يسعى لتجريح القلوب
و إن تباهت مشيته بين الدروب
ما بناء داره على قوة و ساس
دوّر الغالي إذا قصدك تحب
الذهب يفرق و ما هو كالنحاس
