حنيت  وإشتقت انا لجدة

زاد إشتياقي وطالت المدة

يابو علي شوفنا ولهان

من فراق الوطن والأهل والخلان

قضيت في ألمانيا مدة

وأتخيلك دوب شوقي يلتهب وقده

إنتي سكنتي في والجدان

من فراق الوطن والأهل والخلان

مشتاق شوقي بلغ حده

والقلب مفتوح قبل الباب والسده

باطير لو شي معي جنحان

من فراق الوطن والأهل والخلان

قربك منى قلبي وسعده

بحرك حلاه في جزره ومده

يجلي همومي مع الأحزان

من فراق الوطن والأهل والخلان

حبك بقلبي وبس وحده

بعدك تعب بن عبود وتحرقت كبده

ملهوف لك لهفة العطشان

من فراق الوطن والأهل والخلان

متى متى ينطوي بعده

يوم اللقاء بك ياجدة بايتم قصده

ياحب خالد مدى الازمان

من فراق الوطن والأهل والخلان

حبيبك باقي على عهده

إذا وعد بن عبود مايخلف وعده

قريب إذا قدر الرحمن

من فراق الوطن والأهل والخلان