ابغاه يفهمني
آبغاه يفهمني ولكن مافهم
مر من جنبي ولا رد السلام
غرروا به ناس لكنه ندم
صار بعد النور يمشي في ظلام
–
قصدهم معروف لكن ماهو مهم
السكوت افضل ولا بعض الكلام
من دخل بحر المحبة يلتزم
الهوى له ساس ماكن وإلتزام
–
من ضعف ساسه مصيره ينهدم
في يوم في شهر وإلا بعد عام
الهوى سلطان سلم وإستلم
يامحبيني على الدنيا السلام
–
ليت قلبي بينكم باينقسم
يطرحه خلي على صدره وسام
أبغاه ساعة نور عيني يبتسم
باتنام العين وإلا لا تنام